23
08.2013

生日飯 @ 明閣

想食明閣已經很久, 估不到可以今年生日實現願望, 超開心, 十分感激多謝大家!! 


 
其實上年同大家在天際萬豪食飯, 已經覺得好巴閉啦 (不過個餐係估不到的經濟抵食); 而今年再度升呢, 來到位於朗豪酒店的明閣, 品嚐屢獲殊榮的米芝蓮二星中菜, 實在太榮幸啦!! 
 

 
來到酒店6樓, 通往用餐區的路上, 舖滿了日月字樣的標誌, 別致得來而氣派不凡~~ 
  

 
日月標誌更一直延伸至店內呢~~~~
 

 
酒店中菜廳的氣派不凡, 座位也十分寬落, 當晚我地16大1小都坐得舒適~~~ 
 

 
而且要讚明閣的BB餐具非常可愛, Matthew同媽媽都鍾意到爆燈啦!! 
 
 
BB椅都好實淨, 是晚Matthew仔又可以一齊開心痴餐啦~~~~ 
 
 
 
$22/位的茗茶 (是晚點了香片) 好香丫, 媽媽都忍不住飲了好多杯~~~
  
食物當然又係CEO打點, 全部都有水準, 不過講明先並未如預期驚艷的~~ 首先係
蜜味叉燒 ($188例x2), 肉質唔算好鬆化, 蜜味亦略嫌不足, 早前喜双逢的出品較為出色喎! 
  

 
紅酒火焰黑豚 ($258) 就唔錯了, 好有睇頭之餘, 燒過的黑豚味香肉嫩, 同上的雜菌亦爽口滋味! 
 

 
然後係2009年度銀獎名菜----龍皇披金甲 ($398 x2), 好一個充滿氣派的名字! 其實龍皇就是大海斑, 金甲就是免治蝦肉, 兩者加在一起, 自然倍添鮮美, 而中間的小棠菜及蝦頭也是美味! 
 

 
不過媽媽對煎的斑塊好感始終不大, 反而更喜歡這味海生蝦炒蛋白 ($228 x2), 雖然也有點油, 但蛋白真的很香又滑, 也「筆」了好些給Matthew送粥仔, 為食豬超鍾意!! 
 
除了主角蛋白令人滿意, 蝦頭與伴碟的炸紫蘇葉又係極香口呢~~~~
 

 
接著是2013最新銅獎菜式, 十分矜貴的豆腐探戈 ($208/位), 大廚前後以松露醬、鮮甜的海胆, 及濃郁的芝士, 來帶出豆腐由淡至濃的味道, 可人令人齒頰留香~~~ 
 

 
當晚是二人分享一份, 我當然就同老公共享了; 不過懞老公其實將次序倒轉來食, 結果我亦傻氣照跟, 所以經歷不到層次轉換, 只覺得最美味係炸海膽豆腐, 以及芝士豆腐條~~ 
 

   
接著更有2013年金獎菜式---鳳凰藏珍 ($288 x2), 店方以兩種不同的烹调手法炮製釀入蝦膠的雞上脾肉, 並分別配以香脆的窩巴及香甜幼滑的南瓜拌上, 令食客體驗豐富口感~~~ 
  

 
個人比較鍾愛蝦膠雞脾肉襯以窩巴的食法, 香脆可口好多; 而且兩款製法的調味亦有所不同, 窩巴那款味帶輕甜, 更將蝦膠的鮮襯托出來呢!  當然另一款也不差的~~ 
 

 
吃完多道名菜, 也是時間來幾味青菜清清腸胃, 先有濃湯鮮竹花膠絲浸時蔬 ($208), 營養豐富深綠色蔬菜是孕媽媽的至愛, 加上名貴花膠, 鮮味濃湯, 以及爽滑美味的鮮竹, 正呀! 
 

  
蝦籽鮮菌素千層 ($188例) 則是一款較濃惹的小菜, 相對好感較低, 少試一些再挾件西蘭花, 夠了!
 

 
海味上湯素菜窩 ($198) 也是適合孕媽媽的清爽菜蔬, 除了「筆」上一大碗自己享用, 還給Matthew仔吃了一些粉絲, 他也很喜歡呢~~ 
 

 
CEO真是名菜王, 押尾又點了2011年度金獎名菜---窩燒滋補竹絲雞炒飯 ($238)~~ 加了紹興酒關係, 此飯上檯時香得非常過份, 誘人之極  ; 不過食落味道稍淡, 要加點XO醬才好吃!
 

 
另一份是脆皮乳豬炒飯 ($238例), 面層超級誘人的乳豬皮原來並不香脆, 有點失望, 而炒飯則帶點蕃茄酸味, 竟有點似西炒飯! 不過要講這裡的兩款炒飯均是粒粒分明又夠鑊氣, 不差的! 
 

 
雖然當晚一早準備了壽包及蛋糕 (又要多謝大家!! ), 但甜品也點了幾款, 首先是燕晶凝 ($24 x16)~~
 


由燕窩及香芒布甸組成的甜品騰雲駕霧, 一上檯即煙霧瀰漫, 效果十分奪人, 味道相比只是其次了~~
  
 
炸杏片香芒卷 ($16 x8) 中間的芒果醬是流心的, 可口味沒太特別, 不吃也不是損失~~~
 

 
本來豆腐芝麻凍布甸 ($52 x2) 我覺得幾正, 布甸超級細滑, 中間加了不少香濃芝麻餡更添滋味,  不過與此同上還有超級吸引的壽包, 馬上被比下去, 變得乏人注意了!! 
 

 
hehe, 最為期待, 大到唔知點影的蟠桃大壽包 ($45 x15) 上場啦, 超興奮啊~~~~ 
 
 
太大巨大關係, 部分食友要求兩人分享一個... 我無法揀, 不過當然被大家安排獨食成個!! 
 
 
 
嘩, 真係巨大到幾乎無法掌握的一個包呀!! 


 
仲要中間有大大粒靚咸蛋黃, 帶適量油潤的蓮蓉餡又超香甜、超滑、超超讚, 太太太好味啦!! 
  
但臨尾食咁大個包真係好飽呢, 我吃到一半已經頂住妹妹 (依家胃口淺左好多...), 雖然最後都努力完成了
 
 
但臨尾仲有大大個生日蛋糕呢.... 一直叫大家唔好嘥錢買蛋糕 / 俾切餅費, 不過原來經朗豪訂蛋糕好抵, 兩磅先$260, 仲要最後唔知係特登定大意, 連蛋糕錢都無收, 好抵呀 
  

  
好多謝一班咁錫媽媽的好食友, 我地一齊來張大合照啦~~~~  
 
 
 
其實依一張KK相機影的會清好多.... 不過有無發覺無左Matthew仔??? 
 

 
梗係, 影咁耐都冇得吹冇得食, Matthew梗係唔老黎!!  快D俾我吹蠟燭啦~~~
 

 
經過多次的訓練, Matthew仔依家好快就吹熄蠟燭啦!! 又掂左, yeah~~~ 
 
 
 
雖然拿破侖的酥皮不及前一日Fine Food出品的鬆化香脆, 但就勝在有大量清甜美味生果, 正呀 
 

 
仲有一份好實用的禮物收, 真係多謝哂大家呀~~~~ 
 

 
再下一次人齊食飯, 應該我同Janice都生左BB啦.... 真係好期待呢~~~ 
發表於2013.8.23
留言(11)
  • 羅車車
    哈哈祝妳年年升呢越食越豪
    23/08/2013
  • Viviana
    好吸引,好豐富,好正的名菜,好開心的飯聚,還有幾小時就是媽媽生日,再次祝您生日快樂,好好享受明天的生日飯加節目,好順利咁生埋妹妹,一家四口永遠幸福甜蜜,Matthew 哥哥快快接受妹妹,錫妹妹多D同多D與妹妹交流交流,加油呀阿茵媽媽?????
    23/08/2013
  • Finn
    Sorry 當日要遲大到因有朋友 baptized. 在此祝身體健康, 一家幸福美滿.
    23/08/2013
  • 安娜愛閒遊
    d菜色真係好吸引呢! 仲有就係,你bb好得意呀 ^^
    23/08/2013
  • Oli
    生日快樂
    24/08/2013
  • Ka Lok
    大蟠桃唔放喺手都唔知咁大, 好吸引 生日快樂
    24/08/2013
  • 小東
    你的生日飯聚真係超豐富呀
    24/08/2013
  • 小雲
    Happy Birthday To You !
    24/08/2013
  • wtm246
    看完覺得肚餓啊!
    24/08/2013
  • Ophelia
    下次出黎見到更多BB一定好開心JA
    24/08/2013
  • 田鼠b
    明閣我覺得佢似食裝修多啲, 同埋好多噱頭野.... 反而早兩日去左蘇浙好impressed! 佢樣樣賣相平平, 但連碟揚州炒飯都好味過人, 仲有啲湯渣入面既金華火腿, 我回味到而家...
    26/08/2013
博客名稱 :
甜魔媽媽Yan
網誌名稱:
甜魔媽媽小天地
使用天數:2,530
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言