22
04.2013

Häagen-Daz​s™尊貴雪糕鑑賞會 ~ 簡單.原是不簡單

剛過去的星期由一至五都有tasting, 超級忙碌, 不過同時也很充實開心, 特別當中有幾場是自己非常心儀的餐廳/品牌, 其中週一在IFC商場The Box舉行的Häagen-Daz​s™尊貴雪糕鑑賞會, 就是一例!
 

 
大家都知剛過去的一星期天氣不穩, 然而活動當天也算天晴, 好開心呢~~~
 

 
位於IFC商場4/F的The Box, 除擁有優美園林風光, 另一邊更有遼闊開揚的海景, 令人心曠神怡
  

 
雖是平日的下午, 出席者也眾多, 除了知名的bloggers們, 還有好幾位明星!!!
所以很慶幸自己當天正好放假 (上午陪Matthew去健康院打針啦~~), 能夠參興其中~~
  
 
 
場內setting大致如下, 多位PR均非常親切友善, 當中更有一位與我一樣大肚, 忍唔住傾左好幾陣呢!
 

除了特飲, 吧檯已在準備甜品, 一份bloggers們可以專享的獨家雪糕甜品呢!!!
 

當日抵達後, 主辦單位先要大家玩一個blind test, 就係品嚐唔同的牛奶、朱古力、士多啤梨, 以及雪糕, 然後揀出自己認為較優質的一款~~ 又幾得意喎!!
 

結果?? 一陣間公佈~~~
  

  
當日司儀係美麗大方, 詞令得體的李壁琦, 歡迎了大家後, 然後就訪問大家並公佈答案了!
 

相中先生成為首位受訪者, 佢的答案同媽媽的答案一模一樣, 亦係正確的!! 
之後三位抽樣受訪的參加者, 亦能俾出正確的回答, 可見其實用料靚同唔靚, 真係分得到架
 

然後由Häagen-Daz​s™的代表同大家講講品牌的故事 --- 原來這個牌子已有92年歷史, 創辦人Reuben Mattus最初仲係驅馬車幫媽媽賣雪糕, 用的當然係最簡單、天然、原始的homemade配方~~ 去到1950年代, 市面上越來越多雪糕製造商為減低成本, 加入穩定劑、添加劑和防腐劑, 但Mattus唔想隨波逐流, 繼續堅持只用最純最真的材料去製造優質雪糕, 並創立了Häagen-Daz​s™品牌! 
  
時到今日, 來自法國的Häagen-Dazs™雪糕, 仍是採用五大簡單天然材料, 包括100%鮮牛奶、鮮忌廉、雞蛋、糖及天然食材配製, 絕不含人造的香料、乳化劑或色素, 美味背後是貨真價實的優質! 可知沒了人工成分, 用料選材方面必須更為嚴謹精挑, 如士多啤梨味雪糕 (我好like的!!), Häagen-Dazs™為找尋適合紅潤度、甜度的士多啤梨, 就花了六年時間, 那份追求純真及完美的執著令人佩服!!
  
所以, 當日那位大肚的PR同我分享, 由於用料優質令人放心, 她自己陀B也不戒口, 幾乎每日都食Häagen-Dazs™; 至於我當然更加開心啦, 自己食之餘都放心埋Matthew一齊分享呀!
 
 
當日活動邀請了謝婷婷做嘉賓, 首次見到真人除了高佻又靚女, 原來都幾nice又有氣質喎!
 

  
根據堅持挑選天然有機食物、相信「you are what you eat」的婷婷分享, 原來她整家人都是Häagen-Daz​s™的super fans, 她本身也超喜愛士多啤梨口味雪糕, 故對於品牌故事感到非常動容!
 
 
 
嘉賓都要接受挑戰架! 兩款雪糕中, 到底邊款較為優質呢? 當然難唔到長期粉絲婷婷啦!
 

挑戰陸續有來呢! 司儀接著邀請著名朱古力甜品大師古嘉俊師傅上台, 分享心得~~
 

之後更邀請婷婷同Chef Koo合作, 即席炮製朱古力cross over Häagen-Daz​s™的甜品!!!
 
 
 
對於整慣甜品的Chef Koo, 整甜品邊有難度丫, 當日仲要有幫手添~~ 反而去到筆雪糕, 先係二人最大的挑戰, 因為Häagen-Daz​s™的雪糕空氣含量超低只得20%, 足料抵食但相對較難筆架!
 

 
甜品完成啦!! 依張遠鏡睇唔清唔緊要, 因為依款甜品一陣媽媽都有得食, 下面有close-up架~~
 
  
o係店方同Chef Koo努力準備更多甜品的同時, 另一位代表再來講解下Häagen-Daz​s™雪糕中最重要的元素---牛奶的出產地~~
 

都同大家分享下啦~~ 點解我會好羨慕人地的牛牛生活架?!
  
https://www.youtube.com/watch?v=m9QrZoGYJsI
 
 
之後係所有嘉賓同Häagen-Daz​s™代表大合照, 引來大家爭相拍照, 場面非常熱鬧~~~
 
媽媽無同人逼啦.... 貼一張官方相啦, 真係星光熠熠架! 之後仲見到《盛女愛作戰》的Bonnie呢!
 

不過一眾Press似乎都係最偏愛婷婷~~ 鍾意食又咁鬼fit, 真係好令人羨慕呀!!
 
 
唔恨得咁多, 都係化悲憤為食量, 好好品嚐Chef Koo精心炮製的甜品啦~~~
 

甜品主體係輕柔甜美的白朱古力慕絲, 夾心有酸甜醒胃的熱情果肉, 口味很富對比感; 另一邊又有綠茶圓餅、士多啤梨/朱古力薄脆, 口味更加多變; 最後少不了優質又美味的Häagen-Daz​s™士多啤梨、比利時朱古力及夏威夷果仁口味雪糕, 整個組合非常豐富、繽紛, 好味道丫!
 
 
大會仲安排了茶餅, 以及任揀任食的杯裝雪糕, 我唔客氣喇!! 媽媽真係好愛Häagen-Daz​s™的Belgian Chocolate, 濃香幼滑的朱古力雪糕中加了香醇朱古力碎, 帶來雙重香濃感受, 好好味丫!  
  

 
  

另一blog友Ophelia揀了綠茶味, 當日都特別留意了包裝, 原來會比其他口味的雪糕杯多層coating, 以求在不加防腐劑的情況下, 減少阻止綠茶的氧化, 真係好有心思呀~~
 
當日又認識了幾位blog友, 食+傾得非常開心, 最後仲有豐富的紀念品拎走, 包括18K金卡入場劵!!
  
 
仲有好巴閉的Häagen-Dazs™雪糕品味師証書, 好實用的雪糕劵, 以及超級意外的原盆士多啤梨收!!!
 

希望士多啤梨要快高長大, 遲D收成時可以一家四口一齊分享甜美~~~
 

 
今次活動超開心仲好有得著, 亦令我更加鍾意Häagen-Daz​s了, 非常多謝有關方面的邀請呢!
發表於2013.4.22
留言(14)
  • 羅車車
    22/04/2013
  • Oli
    嘩...流晒口水
    22/04/2013
  • Mrs. Wu
    真係好美味! 你吾怕食雪糕肚痛?
    23/04/2013
  • Pandos - 喺Krakow
    what a fun event !
    23/04/2013
  • 田鼠b
    又有得食, 又有靚女睇, 呢啲event去得過!
    23/04/2013
  • 小東
    如果可以食極唔肥,我都想一星期七日食足七次哈根大師..HAHAHA
    23/04/2013
  • Viviana
    Yummy Yummy, 我最LIKE COOKIES FAVOUR ^^
    23/04/2013
  • Mandy 文迪
    原來都幾大型喎, 仲有好多禮物, 正呀
    23/04/2013
  • Dull♥
    流晒口水
    23/04/2013
  • Ophelia
    好開心識到yanyan呀 ^^ 下次一齊食飯呀
    23/04/2013
  • *♡♡小肥豬♡♡*
    哈哈哈...我都好開心可以同你相識, 有機會食飯記得叫埋我呀~
    23/04/2013
  • Luxueux Yvonne
    早知我都遲d走,咁咪有得食雪糕
    23/04/2013
  • 烏G餅媽
    yum yum, 我呢期至愛它的summer berries ^^
    23/04/2013
  • CoCo
    我自己不太好冰淇淋, 不過要吃就會他們家的綠茶, 帶點澀味, 且回甘. 主持我對她印象都幾好, 謝婷婷上鏡太老成.
    29/04/2013
博客名稱 :
甜魔媽媽Yan
網誌名稱:
甜魔媽媽小天地
使用天數:2,534
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言