28
04.2016

BeautyExchange.com@Vichy Derm Analyzer及 Normaderm油脂調護系列產品試用

美容時尚(護膚)  

上個星期嘅weekend,天嘿嘿咁,就走鬼咗去VICHY Derma Center做皮膚深入測試,原來呢部機,除咗可以測試皮膚外,仲有得測試埋頭髮的!

 

入好曬所有資料後,BA小姐好細心咁為我介紹每一個之後要做嘅steps

 

先測試保濕度,會係臉頰度度水份度,出嚟結果嚇死我!竟然呢個天氣話我嘅肌膚非常乾燥!點解嘅?點解嘅?

 

但我自己真係唔覺先死!唔通即係代表我一直搽嘅嘢都唔多夠水份?

 

 

繼續測試埋落去先!第二個check油脂,睇吓屬於咩嘢型肌膚,呢個係要用試紙在咀角同額頭印一印油脂,再scan番入部數據機度,就會知道自己係咩嘢型肌膚了!最後得出我嘅肌膚係乾性!其實我一直以為自己係混合性!

 

 

然後再到毛孔啦!今次在鼻上scan,紅色一圈圈就係有毛孔問題,而今次攞咗中位數以上,都係需要注重護理!

 

 

輪到我最緊張嘅黑色素了!今次要對準d斑斑嚟scan,唔知會唔會爆燈呢?

 

結果出咗嚟,竟然係一般?我成日都以為自己黑色素係最嚴重嘅問題,估唔到比我想像中少喎!難得!

 

 

最後就試埋皺紋啦!今次係試係眼尾!啡啡哋嘅地方就係有紋理嘅地方,而今次都係攞咗中位數以上,都係需要注重護理!

 

 

總括結果,小妹並不是敏感肌,而其他都要注重護理,而缺水問題,就非常嚴重啦!

 

 

 

做完皮膚深入測試後,BA小姐仲送咗VICHY Normaderm 油脂調護系列其中嘅潔面啫喱同減瑕保濕霜和Aqualia Thermal温泉礦物保濕系列火山礦物温泉水噴霧給我回家用!

 

而我之前亦問過BA小姐,我啱唔啱用呢set產品,佢話呢d天氣都可以,因為可以控油同保濕的!

 

但我覺得呢set嘢,最啱比我在生理期前使用,大家都知嗰排油脂分泌特別旺盛的!

 

 

先試咗 ~ VICHY Normaderm 潔面啫喱

 

呢支潔面係較為温和潔淨的!所以就算唔係油性皮膚,都可以使用的!

 

配方內含BHA,有效温和去角質並徹底潔淨肌膚及毛孔內的污洉,有效控制油脂,提升收毛孔功效,同時配合VICHY火山礦物温泉水,用後肌膚舒緩,清爽不繃緊。

 

使用方法:吱適量在掌心上,並加水揉出泡沫,後在臉上微微打圈進行清潔,然後再以清水洗淨即可。

 

個感覺又幾smoothes喎!好易推開,洗完肌膚清潔得嚟,完全冇半點乾繃感!

 

 

然後再試埋 ~ VICHY Normaderm 減瑕保濕霜

 

全新減瑕保濕霜加入美白退印成份及修飾毛孔Air Licium科技,全面減褪頑固痘印、改善粗大毛孔、油光、炎性粉刺等瑕疪問題。配合火山礦物温泉水,為肌膚24小時補水及舒緩紅腫不適。

 

使用方法:於潔面爽膚後,於T字位、粉刺及黑頭位置等油脂分泌旺成的位置上塗上。

 

其實唔係係咪VICHY一貫產品都係同一隻味ga呢?好似用咗好幾種產品都好似係同一種香味的!

 

吱咗出嚟較為gel狀咁,其實我冇剩係用T位喎!我在日間,全臉當面霜咁用喎!吸收曬後,又幾好喎!一d都唔笠!好適合夏天使用喎!我幾鐘意個質感!

 

 

其實每到生理期前,都覺得自己比平常嘅日子,較油頭粉面,有時真係仲會長出痘痘來!

 

好認真講句,After嗰張相,我真係完全冇PS過,用咗幾天,但都好明顯真係睇到原本下巴位置的痘痘,退紅了,而鼻翼位置的毛孔收細了不少!望上去塊面真係光滑咗好多!個效果真係最令我意想不到的!

 

 

最後我教大家一個夏天用温泉水噴霧,最爽嘅方法啦!就係放入雪櫃內,臨出門前噴一噴,就算化咗妝都唔駛驚!因為有保濕定妝嘅功效!同時擔保您成個醒曬,仲咩嘢暑氣都全消呢!

 


以上產品及產品資訊,全部由品牌提供!

發表於2016.4.28
留言(0)
博客名稱 :
cherry polaw
網誌名稱:
Cherry Polaw
使用天數:2,428
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 數碼科技
  • 生活品味
  • 藝文創作
  • 其他
自行分類
最新留言