13
08.2017

[香港][食事] 吉列牛忌廉烏冬專門店 - 日韓 fushion

飲食烹飪(日菜)   環球旅遊   生活品味  
標籤: 旺角  日本菜  韓國菜  吉列牛 

唔知大家有無係聽過日本紅極一時嘅吉列牛扒

外層炸得香脆,但入面嘅牛肉仍然係全生嘅。

食客可以直接加wasabi享用,

又或者將牛肉放係烤爐上面微微烤熟,再配上唔同醬汁食。

為左呢個吉利牛,我都係東京嘅寒風之中,

同當地人都一齊排左成個鐘隊。

 

香港確實係美食天堂,

估唔到短短兩年嘅時間,吉列牛已經殺到黎香港。

男朋友知道又嚷住要試下,咁好味嘅野食當然要一食再食。

跟住地址搵到黎 旺角726號大廈,

原來係一棟翻新完,接近全棟都係食肆嘅大廈,附近打工仔真有口福。

電梯17/F嘅餐廳標示只有韓文,即時心生疑惑,我地唔係去食日本野咩?

 

 吉列牛忌廉烏冬專門店的相片 - 旺角

 

上到去,終於見到吉列牛忌廉烏冬等字眼,知道無黎錯。

睇餐牌,先發現我地一直誤會左呢間係純日式餐廳。

Kobekyu呢個名,你未必記得,

但提起首爾美食,相信愛吃之人對早前風靡一時,

用厚厚一層白色忌廉鋪面嘅忌廉烏冬必有印象。

老實講,我當時只係被果層忌廉所迷惑,

無留意到呢間店舖另一主打吉列牛。

哈哈,我地誤打誤撞,就上到黎試晒兩款美食,正啊!

 

餐廳深深明白,大家上黎都係想食主打嘅兩款食物,

提供左幾款嘅吉列牛set俾大家選擇。

我地叫左Set 2: 吉列牛咖哩忌廉牛肉烏冬+2汽水 ($246)

再外加一客kobekyu秘製蛋捲 ($68)


吉列牛忌廉烏冬專門店的相片 - 旺角吉列牛忌廉烏冬專門店的相片 - 旺角

 

識日文嘅朋友應該留意到店名kobekyu,即係神戶牛咁解。

不過店舖採用嘅牛肉並唔係和牛,

而係一樣牛味香濃,更有咬口嘅美國牛肩脊

吉列牛分量都幾多,外層係薄薄一層麵包糠,炸得香脆,

入面嘅牛肉肉質鮮甜味美。

 

 吉列牛定食 - 旺角的吉列牛忌廉烏冬專門店

 

喜歡生食嘅朋友可以直接蘸上wasabi

喜歡熟食嘅朋友,可以將牛肉放上小火爐,隨自己喜好烤到幾多成熟。

點上醬油或者蒜蓉沙律醬,更帶出牛肉嘅風味,

用黎送日本米飯,一流!

吉列牛定食精緻,有芝麻醬豆腐、小蕃茄同沙律菜,減輕油膩感。

不過個人認為,吉列牛炸得剛剛好,

跟本就唔油膩,食到停唔到口。

 

吉列牛忌廉烏冬專門店的相片 - 旺角
吉列牛定食 - 旺角的吉列牛忌廉烏冬專門店
吉列牛定食 - 旺角的吉列牛忌廉烏冬專門店

一開始掛住影相燒得太熟,短短十秒就夠架喇!

 

咖哩忌廉牛肉烏冬,賣相獨特,用一層厚厚嘅忌廉鋪面。

將兩者撈勻,可見忌廉十分掛麵,食落更加香滑有口感。

忌廉睇落厚身,但撈勻之後發現,

creamy得黎食落又唔會好滯,兩個人分享剛剛好。

 

咖喱忌廉牛肉烏冬 - 旺角的吉列牛忌廉烏冬專門店
 咖喱忌廉牛肉烏冬 - 旺角的吉列牛忌廉烏冬專門店

 

Kobekyu秘製蛋卷,蛋卷內層係流心芝士,

絕對做到備受芝士控吹捧嘅拉芝效果。

蛋卷嫩滑,同樣地可以配上蒜蓉沙律醬,

但呢個沙律醬更加入左wasabi,味道更突出。

 

Kobekyu秘製蛋卷 - 旺角的吉列牛忌廉烏冬專門店
Kobekyu秘製蛋卷 - 旺角的吉列牛忌廉烏冬專門店

 

一間餐廳,可以試勻兩款美食,

再加上小食都十分出眾,價錢方面亦唔算特別貴。

我地午飯時間去到,十二點剛剛開舖無咩人,

但短短半個鐘內已經坐滿八成,

建議大家最好都係一早book定枱。

 

發表於2017.8.13
留言(0)
博客名稱 :
eat rabbit eat
網誌名稱:
eat rabbit eat; fly rabbit fly
使用天數:12
性別:
年齡:0
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
>> 更多
系統分類
  • 飲食烹飪
  • 環球旅遊
  • 生活品味
自行分類