12
07.2018

♥R&W♥ 婚享 #11:尋找我的小玩意 の 試衫記(III)✿ 帶著媽媽們試衫去

生活品味(本地)  
標籤: 婚紗  wedding  gown 

 

 

今次又係放毒試靚裙時間,燒下各位準新娘先

 

忙極都有一小步一小步的為Big Day準備,對於婚紗禮服這件事都係心大心細(女人都係都係咁麻煩我認!)

 

唯有就係不斷去試試試!唔試唔知身體好呀ma!(好彩我個暖男都好樂意陪我周圍試嘻嘻)

 

之前都係經同學介紹下,就走左去預約去試身,睇埋佢地Facebook原來都好歡迎媽媽一齊去試,之前做緊Promote可以一時間內任試,於是我地就約左我偉大的媽媽們係有限時間裡面試下裙啦!女人無幾多歲都好都係貪靚!我明!

 

去到先用電腦揀裙試,如果揀唔落仲可以問下職員有咩推介同新翻款式,職員好有Heart同超級Nice~而同一時間都有另一Pair係度試身,但影響唔大,因為大家會自成一角的!

 

 

 

廢話少說!去相!

 

1)  長袖蕾絲A-Line拖尾婚紗

 

因為我婚期在冬天時候,所以職員推介我試這條長袖蕾絲A-Line短拖尾婚紗,長袖的Lace感覺好高貴優雅,薄紗的露背約隱約現有小性感Feel

而下擺的紗著上身十分柔軟浪漫,唔會太重身,而裙邊的多層Lace好特別,比較低調的,不會太花巧,重點轉移到上半身!

 

(請無視我的萌呆樣,因為唔知男人影咁近…hahahah

大家睇到手袖位造工都幾靚,不過對於我黎講我就覺得鬆左少少,貼身會靚好多!

 

2)  裸色Lace半魚尾拖尾婚紗

 

這條都是職員推介給我試穿的,係佢地岩岩翻左冇幾耐既新裙~宜家都特別興D唔係全白色的婚紗,這條裸色Lace半魚尾拖尾婚紗可以兩穿,手袖位可以收埋架~但有個手袖感覺大不同了,溫柔好多~

 

而且個拖尾都幾靚,整體Cutting都不錯,但Lace我就覺得唔算太細緻,差一點點!

 

3)  一字領A-Line短拖尾婚紗

 

 

一字領係遮副乳同埋修飾手臂的恩物,而且感覺更加公主Feel,最特別係在背後腰間的位置都是半透紗的,有點小性感,拖尾就是一般般了吧!

 

4)  Bling Bling絹面紅色敬酒裙

 

呢條係新裙黎架~佢地放左上Facebook我已經覺得好靚,絹面好有型,因為仲未試過敬酒裙,所以今次把握機會試下先~

 

上半身釘上好多閃閃Bling Bling,好吸晴,背心的設計都唔錯,不過我就吱左舊副乳出黎(掩面)正面睇無事,側面出事啦!OMG

 

5)  蕾絲A-Line齊地紅色敬酒裙

 

試左呢條同岩岩果條相反,呢條冇閃,全是用Lace同紗去製作,同樣是背心的設計,背面是半透的薄紗,正正常常的,我就無心動既感覺啦!

 

6)  印花絹面拖尾紅色敬酒裙

 

一直都好好奇一D印花款著係我身上係如何,見到佢地新翻左呢條印花絹面拖尾紅色敬酒裙就試下佢啦!

 

拖尾都幾長,如果用來敬酒就好似唔係太方便,款色印花係幾特別,本身我也覺不錯又著得幾瘦不過我男人第一句Comment就是你好似著左條枱布上身咁,一句KO了我…….(無奈)

 

我試完就到兩位媽媽啦!兩位媽媽個子都比較細小,都是一般的師奶身型啦!

但係大家特別的元素都唔同,佢地就每人揀左兩套黎試!

 

 

呢條銀灰色晚裝好有貴婦Feel,上身的半透Lace可以修飾一下身型,都唔錯!

 

 

呢條紫紅色幾喜慶Feel,上面的花花都是男友媽媽喜歡的元素,佢本身好中意花架,呢條好襯佢呀!

 

 

然後到我媽媽啦~呢條新翻的媽媽衫幾特別,中式旗袍款式我媽媽都好喜歡,身上的花花圍案都好特別,不過我媽媽最後話一般,唔係佢Style

 

 

最後呢條我媽媽就揀左呢條藍綠色絹面晚裝,條裙係幾高貴,不過都係果句,我媽媽話露左個肥手臂出黎唔太好睇XD

 

試完整體我都覺得佢地多裙款選擇,不過當中我同媽媽們都未有叮一聲的感覺,所以當日最後都係無Join

 

雖然我無Join,有點覺好運吉掩面但係我都超級覺得要係度讚下佢地無Hard Sell又無黑面,我地試到差d阻到人地收工佢地都好Nice,仲叫我地考慮下先!(當然如果翻轉頭Join就無左第一次試身的優惠呢)

 

其實我比較在意婚紗店的服務多於佢地的裙款,即使佢地D裙幾靚都好我都要覺洗果D $ 我洗我開心先得搞結婚都已經好多野煩,無謂為左呢D事而帶俾自己負面的情緒啦!

 

我都仲係1516中,大家覺得如何呢?俾D意見我呀!多謝大家用心看到最尾!

 

 

以上都是我的用心分享,大家喜歡的就留個腳印支持下~你們的支持就是我婚享的原動力!多多指教!

 

 

**********************************

歡迎聯絡合作

Wing Ho

Instagram: FINGYANWING.MAKEUP

**********************************

發表於2018.7.12
留言(0)
博客名稱 :
FingyanWing
網誌名稱:
Fingyan Wing MakeUp - Blog
使用天數:1,320
性別:
年齡:2
電郵:fingyan.wing@gmail.com
按月份瀏覽
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 數碼科技
  • 生活品味
  • 藝文創作
  • 攝影寫真
  • 戀愛心情
自行分類
最新留言