26
07.2016

頭髮特別乾旱泛黃?同十個常見的壞習慣Say NO,好好保養秀髮吧!

美容時尚(護膚)  
標籤: 頭髮  保養  乾旱  歐亞美創 

除左大家重視個「樣」之外,一把靚又柔順既秀髮,都係好加分!

 

但唔少後生仔女,因為朝朝拉直髮夾,成日補染,所以搞到把頭髮又乾又旱,仲可能出現髮尾枯枯黃黃既問題 。 ((拿~ 嗰啲唔係你染頭甩色甩到金,係真係傷左質絲))

 

一齊黎了解下,究竟日常生活當中,我地有乜野壞習慣要KO左佢先有靚既秀髮!

 

1:日梳夜梳

 

有人話梳得頭髮多可以令頭皮血液循環得更好,又可以促進頭髮生快啲。呢一個說法係正確,但介乎於梳頭既次數同埋力度。好多女仔每日不斷梳,其實咁樣可能會有反效果,仲會愈甩愈多頭髮。

 

歐亞美創醫學專家指 「正確的方法是在睡教前由髮根往下梳,梳大約幾分鐘,使分泌的油脂更平均地分佈在頭髮上,能使你頭髮更光澤柔順。」

 

2:常處於冷氣環境

開得冷氣多,皮膚都會因為乾燥環境而變差。其實頭髮都係一樣!所以係夜晚開冷氣既時候,不妨係房間放一杯水,可以令空間既濕度更平衡,減少乾燥問題困擾。

 

3:棉質枕頭套

 

好多人揀衣物或床上用品時,都必定會揀100%棉質,貪佢夠索汗又唔會敏感。

歐亞美創醫學專家指 棉質既枕頭套係會因摩擦而產生髮質毛燥。所以建議換上順滑既絲質枕頭,對乾燥頭髮比較好!

 

 

4:頭髮未乾就直接訓

 

有陣時去街去夜左,或者收工要OT,唔少人都可能好夜先沖涼洗頭。礙於第二朝要早起,所以頭髮未乾晒都會直接訓,然後訓醒就會發現有好多斷左既髮絲係枕頭上面,仲會有一陣陣既頭痛添。

 

其實頭髮濕住訓,髮質係十分容易受損。所以最好既方法,一定係自然乾透 然後先訓教!

 

5:朝早洗頭

((小編都有呢個壞習慣:())

 

 

當然,你都可以選擇朝早洗頭等佢慢慢自然乾,不過有時趕起上黎都會直接吹乾佢,但咁早洗頭本來都已經好傷好易會頭痛,頭髮仲特別脆弱,好容易甩頭髮。所以專家都係唔建議朝早洗頭。

 

6:頭髮扎太緊

 

返學既時候就梗係要扎頭髮嫁啦!好多女仔都會將頭髮扎得好高,同埋扎得好緊,覺得會俐落啲同靚啲。但其實將頭髮扎得太緊會造成頭皮負擔,髮絲更容脫落之餘,個髮線仲會愈拉愈後,遲下就變大額頭嫁喇!

 

((小編心諗,早知細個就扎低邊唔扎高邊啦!))

 

7:金屬髮飾

 

唔少人都會鍾意帶髮飾,髮夾、髮圈等等,但有無發現自己一除髮飾嗰陣就甩幾條,甚至一汁頭髮仔,咁你要留意下自己係咪用緊有金屬物質既髮飾,因為金屬髮飾係好易令頭髮脫落嫁!

 

8:直髮夾、曲髮夾

 

為左方便造型,好多女仔都係一頭直髮,然後朝早出門前就夾直啲,又抑或係夾曲佢。其實電髮夾係十分傷頭髮,愈夾,頭髮愈多開叉愈黃。

 

歐亞美創醫學專家就話 如果大家係好想有曲髮既,可以用綁髮黎代替,前一晚「賓」邊「賓」滿成頭,訓醒除左啲髮圈之後就會有一頭曲髮。相比起用電髮夾無咁傷!

 

9:零 頭髮保養

適當同定期既頭髮頭皮保養係可使頭髮更健康更不易折斷,亦可以減少因阻塞毛囊而造成既脫髮。但切記唔好過度清潔 或者經常焗油!!去髮型屋做下Treatment,搵專業既人士幫你啦!

 

想頭髮靚靚??把握以上9點!

 

資訊由歐亞美創醫學集團提供。

http://www.eifc.com.hk/

發表於2016.7.26
留言(0)
博客名稱 :
MeiMei
網誌名稱:
Be your self, Let's get Beauty~*
使用天數:1,498
性別:
年齡:25
電郵:grimmeimei@gmail.com
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 生活品味
  • 電影戲劇
  • 攝影寫真
  • 戀愛心情
自行分類