話咁快又就嚟到農曆新年,去拜年時當然要靚住咁去啦。如果想喺穿搭上加分,當然唔少得配搭返飾品。

為大家提供下靈感,今次就分享下4種適合農曆新年嘅飾物:

1/ 花形飾物
拜年飾物首選一定花形嘅飾物,應節之餘又可以令穿搭更優雅。你可以選擇一啲設計比較簡約嘅款式,就唔會有太over嘅感覺。

2/ 珍珠耳環
不論任何場合都好,珍珠一定係最能夠提升個人氣質嘅飾物類型。入門最簡單嘅珍珠飾物就一定係珍珠耳環,可以由單粒款開始戴起。

3/ 金色飾物
去得拜年,相信穿搭上都會係比較暖色系嘅。呢啲情況下,金色嘅飾物就係最理想嘅點綴。假如覺得黃金色難carry嘅話,可以選擇淡金色嘅飾物,會比較casual。

4/ 圈圈耳環
唔想花太多心思襯耳環嘅時候,一對尺寸較大嘅圈圈耳環就係最方便同百搭嘅選擇,就咁一對就可以展現到品味