每個女生嘅首飾收藏品都一定要有返咁上下深度,先可以靈活咁對應到各種場合同埋穿搭。而其中一種必備嘅收藏品就一定係淡金色嘅飾物。
今次分享下淡金色飾物嘅3個好處:

1/ 容易配搭
淡金色嘅飾物同真正黃金色嘅飾物唔同,可以對應各種場合同穿搭,又唔會有太誇張或者搶focus嘅感覺。

2/ 幫助顯白
一般對於香港女仔嚟講,最常見嘅膚色係白中帶黃,佩戴淡金嘅飾物就可以幫助自己顯得更白。不妨試吓佩戴淡金色嘅手鏈或者手鐲,同時達到突顯手腕線條感同顯白。

3/ 展現氣質
淡金飾物算係其中一種最常見用嚟提升氣質嘅飾物,特別適合用嚟配搭簡約嘅設計,例如係幼身嘅全圈線戒,可以同時佩戴幾隻嚟增加層次感,突顯個人風格。