使用天數:2,220天
Pig Wing
博客簡介

買衫、食野、保養、化妝 ♥女孩子喜愛的,我都愛♥ 邀稿: wingring417@gmail.com Instagram: http://instagram.com/wingring

最新文章
熱門文章
推薦該博客文章
  • 92313
    累積瀏覽量
熱門文章
  • 宜家諗返起之前陀住蠔豉妹妹時俾人成日問既問題,除左「係仔定女呀?」之外,就係「以,你有左,咁貓貓點算?」 講真,每次有人問既時候,我都有啲唔開心...一直以黎,識我既人都知2隻貓貓係我既命根,我真係錫到佢地燶~當然,我明白唔係所有人都會當寵物係家人...但係,就快成為爸爸媽媽既你,如果真係選擇棄養,將來點樣教導你既子女成為一個負責任既人? 係坊間,會認為貓貓對孕婦有害既人大致分為2種~ 1. 無乜原因,不過就係唔鐘意,或者聽到有人話貓貓對孕婦唔好~ 2. 怕貓貓會有弓形蟲(弓漿蟲),導致流產或有畸胎 第1嗰樣我就唔探討啦~因爲無可能要世上所有人都鐘意貓貓~大家各有各自由啦 :) 咁不如講下第2點,到底孕婦要點樣先會感染到弓形蟲? 簡單啲咁講,孕婦要接觸到一隻食生肉又初次感染弓形蟲既貓貓既糞便,而嚿便便必須已經排出超過一日,而糞便仲要直接接觸到個

     

    pigwing 92,313

  • 呀...明明有好多文未出...但我都忍唔住要同大家分享左呢篇先! 因為我真係等左好耐了 :p 今次試既嘉玲面膜!海百合煥顏凝皙面膜($318/6塊) 大家係咪都知道嘉玲面膜係劉嘉玲出既呢~~ 因為本身佢係一個大美人,上鏡皮膚又靚,所以我都對呢款mask好大期望! 除左可以改善暗沈外,仲可以保濕令到水油平衡。 呢款mask用後要用清水再洗一洗面,因為質地真係好厚,好多精華! 怕太多精華敷過夜既混合性、油性肌膚就一定要乖乖洗面囉~ 呢款係棉布質地,好有重量! 吸到好多精華,但唔會一路敷一路漏 :) 用後眼下既乾紋淡左好多、好水潤,不過明亮既效果就唔太明顯了~ 敷完後,水潤既情況都keep到3日。 呢張係我敷完後2日影既,當日要出公司event~ 化左成日妝都無乜出油呢! 有興趣試下既朋友可以到以下網址購買~ http://www.carriewears.co

     

    pigwing 92,313

  • 大家係咪同我一樣一年365日都會搽防曬呢? 由於我真係用得太多,所以我都偏向搵一啲平價既防曬! 今次就同大家分享一下,我呢排用緊既SPF 50防曬啦!:) 我全部防曬都係台灣買~因為台灣真係平好多!仲要我去10次,10次康是美同屈臣氏都係特價! (我已經偏心地跟喜愛排名 :p) 1. Biore UV Aqua Rich Watery Essence Water Base (SPF 50 PA+++) 50g (香港 : $99,間唔中75折) (台灣 : NT280,大約$70,但成日特價NT200!) 呢枝防曬我已經推介過無限次:p 我去台灣、日本係必買,因為平好多!我一個月起碼用一枝~~ 佢質地好水! 無論上手定上面都好清爽,絕對唔會痴笠笠! 仲要係出完汗後都唔會太笠! 以我混合性肌膚黎講,上面後太約5小時就開始出面油~ 防曬效果 :★★★★★(我去布吉全身都用佢都無黑到~~

     

    pigwing 92,313

曾刊登專欄的文章

[成日去旅行=無俾/俾得少家用]!?

「又去旅行?」呢幾年,呢句說話我聽左超過100次。一開始我都會解釋 :「唔係,只係想襯後生又未有小朋友前去多啲姐~」過多排,熟我既親友都會繼續串下我,不過對我黎講都只係一句開場白,所以都無乜所謂~ 但有啲人偏偏有以下誤解。「又去旅行?你就好啦,唔洗供樓又唔洗養家,大把錢攞黎去旅行!」我只係以一個微笑回答。「唉,我都想好似你咁,無家庭負擔!家用又唔洗俾得多,成日去玩。係呢,你咁樣真係有排都買唔到樓!」 以前,我聽到後會好嬲,好唔明。點解我成日去旅行就代表我無俾/俾得少家用?你又唔係我家人,你又知我俾得少?點先叫多?若果要俾人工一半以上先叫有俾家用,我一定係唔養家啦。但點解一定要標籤人呢?以呢啲人既邏輯,若果佢供緊樓,我都可以咁話佢!「又供樓呀?你就好啦,唔去旅行又唔洗養家,大把錢攞去供樓啦!」講得難聽啲,一個月供樓都要一萬蚊!我個個月去旅行都未必要用一萬...咁點解你係乖,我係曳

遊~邊個話睇薰衣草一定要去北海道!?(台中 - 中社花市)

細細個,爸爸媽媽帶我去嘉道理農場已經夠我開心足一個星期!大大個,我要帶返爸爸媽媽去其他農場!今次我係第一次真真正正一家人去旅行!阿爸阿媽超級慳家,我年年話去旅行,佢都叫我淨係帶阿媽!問阿媽,佢又叫我地2個自己去!因為佢地知我鐘意旅行,話4個人去,不如我地2個去多次...今年我唔理咁多,迫阿爸蛇王放假陪我去玩!我知,由細到大,佢地俾我既野實在太多。我俾幾多家用,幫佢地儲幾多錢退休都係唔夠...因為倒頭來佢地都係擔心我地自己夠唔夠洗,有無為自己打算...所以,就等我仲有能力時做得更多! 為左2條友唔好太辛苦,所以我地包車輕鬆遊~司機先生俾左超多idea我地!最後我地除左去到清境農場~ 仲不知不覺間去到全台灣公路最高點 - 武嶺! 同埋超級靚既薰衣草花海 - 中社花市! 真係超級開心、啲景又靚!相公直頭話咁唔洗去北海道:p 有一個好既司機,真係行程都

遊~曼谷必食海鮮拼盤

三五知己去旅行其實去邊都無乜所謂~ 雖然我地唔係十八廿二,但真係話去就去! 上兩個月因為有條友好想去旅行,我地就無啦啦去左曼谷! 雖然我地三人行有其中一個唔太食海鮮,不過因為平到傻,所以都食左! 呢個炭爐燒海鮮拼盤只係港幣155 @o@~~ 拿!咪以為咁平就俾啲死海鮮~ 佢個青口、蝦都超級好食!好鮮甜! 扇貝、蟹、螺就正正常常~ 反而藍青口就一般啦,好似煮極都唔熟咁,梅梅地... 不過總括黎講絕對物超所值! 唯一要挑剔既係...係一個熱辣辣既地方燒野食真係攞苦黎辛 :p 不過幾個人一齊去旅行,吹下水、笑下,做乜都開心既! 推介指數 : 8/10 P.S. 間野叫"7 Sea Chill & Grill"~~ Facebook :80後的人妻「旅」友 Instagram :http://instagram.com/wingring 邀稿