04
10.2017

[吃貨48小時] 快閃慶生親子遊@吉隆坡Day 2 (上)

環球旅遊   親子育兒(旅遊)  

一早起來就繼續我地吃貨之旅,其實係出發嚟吉隆坡之前,我地就已經做了功課有咩係一定要食,咁啱就見到台灣飲食節目既詹姆士介紹燕美巴剎,一個當地人好出名既早餐場地,所以今天早餐就決定了要嚟朝聖一下. 從前燕美巴剎係一個室外既地方市場,上年政府就搬了整個燕美巴剎去商業大廈ICC Pudu, google map search 了後地點都真係唔太方便,但今次為了食就點都要去了. 

搭monorail 係Imbi站落車行路去,路過既地方有好多舊式建築物,沿途仲有好多街邊大排擋添,終於行了大概15-20分鐘就到達啦,yeah!

入口就係出名既阿榮哥海南茶檔, 想食咖椰多士半熟蛋加杯海南咖啡既就一定唔好錯過. 

整個巴剎是food court型式所以沒有冷氣, 加上入面既既抽風不是太好, 所以真係有啲悶熱呢. 不過都無阻我吃好嘢既意願呢, 咁多間食邊間好呢?!. 

其實今日主要就係要嚟食"阿福豬腸粉", 因為之前睇詹姆士既介紹後就念念不忘, 一定要試吓, 鬼馬既老闆睇嚟對鏡頭都好熟悉呢. 

除了豬腸粉之外, 就一定唔可以錯過佢既釀豆腐呢, 自己鐘意邊款就夾邊款, 莎拉就夾了一啲香港未食過既, 例如釀油炸鬼, 釀豆角, 釀秋葵, 釀付皮.

揀好後老闆就會將啲釀豆腐切開細件加埋豬腸粉一齊, 最後就淋上醬汁, 有咖哩汁或甜醬, 其實莎拉好想試咖哩汁, 不過要就吓陶寶B唯有試甜醬啦. 啲豬腸粉真係好滑好軟, 同平時係香港食既唔同, 加上豬腸粉既形狀好似河粉, 所以一唧就入了咀巴了. 另外啲釀豆腐既魚肉好好味之餘仲要係好飽滿, 釀豆角及釀秋葵都好驚喜, 今次食完後等我返香港又試吓先. 

食咗咁多都只係RM$15. 陶寶B係麵皇, 所以點都要食碗麵先得, 豬肉麵好似好好味, 所以就叫了一碗豬肉麵, 多謝RM$5. 唔好睇豬肉麵好似平平無奇, 個湯真係好鮮甜, 豬肉好有豬肉鮮味, 同平時係香港食到既豬肉真係唔同. 

陶寶B非常Enjoy, 一路食一路話好好味.

至於謝菲真叫了碗英姐咖哩麵 (RM$6), 嘩,,,真係好好味, 又足料咖哩又香, 真係點可以咁平咁好味架. 

最後走之前當然要買杯海南凍咖啡作為今日早餐既完美句呢. 

爽晒, 一早good morning, 又點可以無杯杯咖啡在手.

雖然食既時候有啲熱, 不過都值得嚟食架, 因為真係可以一嘗本地人既早餐, 加上環境都好乾淨, 唯一不足就真係有啲熱呢. 食完個早餐成身熱辣辣, 最好就係跳落泳池玩吓水, 降降溫呢. 今次行程住Hilton酒店既另一原因就係佢既泳池設施. 因為係市區吉隆坡想要有渡假感覺既酒店唔多, 而Hilton既酒店有resort feel之外仲瀡滑梯玩, 啱晒陶寶B呢. 

雖然吉隆坡全年都係夏天, 但點熱都唔夠香港咁熱呢, 因為泳池既水起初浸落去都有少少凍架, 不過熱身過後就已經唔覺凍了.

 Hilton既泳池係同Le Meridien酒店 一齊使用既, 所以如果下次可以試吓住Le Meridien. 有瀡滑梯既泳池真係零舍不同, 大人小朋友都玩得特別開心架. 

吉隆坡既天氣每日都好定時下午時份會落吓雨, 之後就會出太陽, 所以我地玩到落雨就返上房沖涼, 之後等雨停咗就再出去吃貨了.

 

 

 

 
發表於2017.10.04
留言(0)
博客名稱 :
莎拉蛋糕
網誌名稱:
莎拉蛋糕
使用天數:1,398
性別:
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 電影戲劇
  • 戀愛心情
自行分類
最新留言