使用天數:2,520天
瑜諾無窮
博客簡介

一個聰明高傲,一個笑容滿面,佢地常常做出匪夷所思的舉動,將笑聲帶比大家!究竟佢地係神o既化身,定抑或魔鬼o既使者﹖冇人知,但係有一樣o野可以肯定o既,每個人都知道佢地稱號 ---

最新文章
熱門文章
推薦該博客文章
  • 63192
    累積瀏覽量
熱門文章
  • 瓊山苑, 拜拜了.. 11月20日 呢兩三個星期, 忙到不得了, 因為要安排搬屋, 好多人都問點解要搬? 一係唔夠住, 二係KURTIS就黎要考小學, 三就緊係價錢好啦, 10年黎我都搬過4次, 今次係第五次, 原來多左兩個小朋友, 搬屋真係唔簡單, 淨係KURTIS玩具都14袋紅白籃, 加埋當你執屋時有兩個小朋友攪攪震, 要到半夜佢地訓晒先執得, 仲有豬精工人愈幫愈忙, 一個例子佢可以為左一支包左唔知響邊O既梘液拆返3箱已經PACK好O既箱, 真攞命, 再加上媽咪成個星期都不在港, 可以話辛苦到極點... 包又難, 拆就更難..新地方話就話大左80呎, 但鑽石型廳, 多左一個廁所, 一條長走郎, 3個大窗台, 再加上KURTIS有返自己間房, 基本上係細左, 再者, 豬精PACK野係合埋眼亂咁黎, 總知滿一袋就叫完成, 攪到要搵野都唔知點搵,

     

    terryellen 63,192

  • 9月8日 中秋節完, 又有一日假放, 唔好比佢停, 約埋KURTIS D幼稚園朋友仔出去玩多日, 開左學, 上午做晒功課, 下午就約埋D朋友仔去食下午茶, 即興活動, 點知又幾齊人WO, 去太古城RUBYTUESDAY食返個TEA先, 成班小朋友嘻嘻哈哈, 今次冇機比佢地打, 只係畫O下畫吹O下水, 佢地已經好開心, 食完之後, 就去左魝魚涌公園遊樂場玩, 果度最好就係夠大, 多遊戲設施, 睇住佢地無憂無慮咁跑黎跑去, 捉黎捉去, 心底裹真係好開心, 媽咪們當然坐埋一邊分享生活點滴, 爹地們大家關心O下近況, 個個都樂在其中.. 玩完了, 因為下午茶太飽, 所以冇安排一齊晚餐, 於是咪買D火煱料上鷹叔叔到打邊爐啦, 我地太老友了, 只要佢響屋企就冇問題, 小朋友緊係上去沖埋涼啦..開開心心又渡過一日假期!! 成班幼稚園老友,,一見面又玩過癲.. 呢個咪KURTIS最老友果兩個囉..鍚哥同軒哥.. 大人又開心細路又快樂.. 孖女都係我最好

     

    terryellen 63,192

  • 5月12日 今日KURTIS又為學校去表演, 呢幾年, 佢都係學校的大鼓手, 其實對KURTIS黎講都幾有成功感架, 來年JARED都可以加入樂團了, 不過佢就吹展笛, 可惜佢地只有一年一齊出外表演, 不過呢D上台機會, 對我黎講真係好少甚至無, 每次見到佢地上台, 感覺其實都好恩惠... 表演完, 就渣左車去東大街食飯, 日本牛肉火鍋, JARED緊係好開心啦, 佢想食好耐, 之後佢地話要飲思樂冰, 我比錢果陣, KURTIS突然走埋黎, 爹地, 今晚我比返錢你..我請細佬飲, O下.....O我....好呀, 其實佢地兩兄弟感情真係好好, 阿哥就更加成日讓JARED添, 有時全日溫書冇玩過, 臨訓前佢地仲雞啄唔斷不停講不停講, 見到佢地兩個人SHARE一杯思樂冰, 呢D和諧景象真係要留底佢... 希望你地大個都咁好啦.. 我請你飲啦.. 好開心呀...正..

     

    terryellen 63,192

曾刊登專欄的文章

父親節

6月19日 今日父親節, 兩個小朋友都好有心, JARED整左一件紙衫比我, 入面仲有個梨, 又睇得又食得, 佢仲前幾日神神秘秘問我鐘意食咩水果, HA, 原來有鬼計, 跟住KURTIS就叫媽咪星期六買定D食物, 佢話要整一個豐富早餐比我食, YEAH,,,真係窩心...食唔晒都要隊晒佢啦, 呢兩個仔都真係算好鍚我.... 早餐完, 同細佬做埋D功課, 就出發去伯伯到游水, 因為家姐要考試, 所以都係游完水到6點先上樓, 好在伯伯到有會所, 唔駛同人迫, 兩兄弟又玩過痛快, 仲加埋阿妹一齊, 比佢地3個玩死我咁濟...夜晚咪同埋麻麻爺爺食晚餐, 簡簡單單一個父親節, 但已經好滿足了!! 好精美呀(當然媽咪有幫手啦) 有野食, 有禮物, 仲想點...